دیس دیس رمضان کے رنگ

رمضان المبارک اسلامی سال کا وہ مہینہ ہے جس میں اللہ تعالیٰ کی رحمتوں کی بارش ہوتی ہے۔

پورے سال میں یہ وہ مہینہ ہے جس میں نہ صرف گھروں اورمساجد میں عبادات اورذکر اذکار کا سلسلہ جاری رہتا ہے بلکہ اس ماہ مقدس میں مسلمان لذت کام و دہن سے بھی خوب لطف اندوز ہوتے ہیں۔ ہر روز سحری اور افطاری کا بطور خاص اہتمام اس مہینے کے ہر دن کو خاص دن بنا دیتا ہے۔ اس مہینے کی رحمتیں اور برکتیں ہر چھوٹے بڑے کے لیے عام ہوتی ہیں۔ پوری دنیا میں بسنے والے مسلمان مختلف ثقافتوں اور تہذیبوں کی نمائندگی کرتے ہیں، لہٰذا ہر ملک اور ہر خطے میں وہاں کے حالات اور رسم و رواج کے مطابق ماہ رمضان کا استقبال کیا جاتا ہے اور سحر و افطار میں مقامی پکوان اور مشروبات کا اہتمام ہوتا ہے۔

اسی طرح سحر و افطار کے اوقات میں مختلف ممالک میں مختلف سرگرمیاں ہوتی ہیں۔ افطار کا اعلان بھی مختلف انداز میں کیا جاتا ہے۔ ان صفحات میں ہم اپنے قارئین کو مختلف ممالک میں رمضان المبارک کی سرگرمیوں کی تصویری جھلکیاں دکھا رہے ہیں۔ اس میں شک نہیں کہ مختلف ثقافتوں کے اپنے رنگ ہوتے ہیں لیکن رمضان المبارک کا احترام اور اللہ کی خوشنودی حاصل کرنے کی جدوجہد وہ اہم ترین چیزیں ہیں جو تمام مسلمانوں میں مشترک ہیں۔

’’جانے کب ہوں گے کم، اس دنیا کے غم‘‘ شاید اس رمضان المبارک میں محکوم کشمیری مسلمانوں کی فریاد اللہ کے حضور شرف قبولیت حاصل کرلے

امریکا کی ریاست ٹیکساس میں افطار کا ایک منظر

ترکی کے دارالحکومت استنبول میں استقبال رمضان کی پرشکوہ تقریب کا ایک منظر

افغانستان کے دارالحکومت کابل میں ایک دکاندار افطاری سے قبل جلیبیاں تیار کر رہا ہے

پیرس کی جامع مسجد کا ایک منظر، کاش ہم بھی اپنی مساجد کو اتنا ہی صاف ستھرا رکھنے کی طرف مائل ہو جائیں

رمضان المبارک کے روزوں کے بعد مسلمانوں کے لیے خوشی کا سب سے بڑا تہوار عیدالفطر ہے، ایک چینی خاندان عید کے موقع پر کھانے کی میز پر جمع ہے

موغادیشو کے بازار میں عید کی خریداری کا ایک منظر

کولکتہ کی ٹیپو مسجد میں افطاری کے لیے آئے خاندان کا بچہ اپنی ماں کا روزہ افطار کروا رہا ہے

روسی مسلمان مسجد میں افطاری کرتے ہوئے

ایران کے سابق صدر احمدی نژاد دوست احباب کے ساتھ افطاری کرتے ہوئے

نماز عید کے بعد اپنے پیاروں کی قبروں پر  قرآن خوانی بھی مسلم عقائد کا حصہ ہے

جکارتا میں عید کا چاند دیکھنے کے لیے جمع دو بچے

اتحادی فوج کا ایک ترک سپاہی افطار سے کچھ دیر پہلے افغان بچوں میں چاکلیٹ تقسیم کر رہا ہے

راہی مسافروں کی روزہ کشائی کو بڑی سعادت سمجھا جاتا ہے

مسجد اقصیٰ میں نماز تراویح ادا کی جا رہی ہے

فلسطین میں روزہ افطار ہونے کا اعلان توپ داغ کر کیا جاتا ہے

افطاری کے لیے گھر جاتے ہوئے روایتی روٹی خریدی جا رہی ہے

ایک ضعیف العمر شخص صنعاء کی مسجد میں تلاوت کلام پاک میں مشغول ہے

نماز کے لیے وضو کرتے ہوئے روسی مسلمان