علمِ نجوم کی روشنی میں آپ کا یہ ہفتہ

برج حمل
سیارہ مریخ،21 مارچ تا20اپریل
مالی اور معاشرتی وقار میں اضافہ اور استحکام پیدا ہونے کی امید ہے
لیکن کچھ قریبی احباب کا رویہ آپ کے لیے کچھ دل شکستگی کی وجہ بن سکتا ہے۔
جمعہ اور ہفتہ تلخی سے گریز کریں اور درگزر سے کام لیں۔

برج ثور
سیارہ زہرہ،21اپریل تا 20 مئی
اس ہفتے کی اہم تاریخ 2جولائی ہے، کوئی اہم ملاقات ہوسکتی ہے
مالی امور میں فریب کا اندیشہ ہے لیکن امید ہے آپ نقصان سے بچ جائیں گے۔
5 جولائی کو کسی قسم کے وعدے یا معاہدے سے گریز کریں۔

برج جوزا
سیارہ عطارد،21مئی تا 21 جون
بزنس یا جاب کے لیے سفر ہوسکتا ہے، مزاج میں گرمی پیدا ہوسکتی ہے۔
کوئی غلط فیصلہ ہوسکتا ہے، محتاط رہیں اور نظرثانی کرلیں۔
4 اور5 تاریخ کو کیریر اور تعلقات کے حوالے سے اہم دن ہوسکتے ہیں۔

برج سرطان
سیارہ قمر،22جون تا 23 جولائی
اس ہفتے دو امور اہم نظر آتے ہیں ایک تو آپ کے خلاف خفیہ سازش ہوسکتی ہے۔
آپ کے دشمن آپکو نقصان پہنچانے کی کوشش کرسکتے ہیں۔
دوم 2 تاریخ کوئی آپ کی زندگی میں آسکتا ہے لیکن تعلق سے پہلے سچ اور فریب میں فرق ضرور کرلیں۔

برج اسد
سیارہ شمس،24جولائی تا 23 اگست
اس ہفتے شریکِ حیات سے ان بن ہوسکتی ہے، جذباتی ہونے سے بچیں۔
کوئی پرانا لین دین کا مسئلہ حل ہوسکتا ہے، جو کہ لگتا ہے کچھ مسائل کھڑے کرسکتا ہے، وراثتی یا کرائے کے مکان کے معاملات میں الجھن ہوسکتی ہے۔

برج سنبلہ
سیارہ عطارد،24 اگست تا 23 ستمبر
گھر یا پلاٹ کے معاملے میں پیش رفت ہوسکتی ہے۔
بیرون ملک یا آن لائن کام کرنے والوں کے لیے کچھ اہم راہیں کھل سکتی ہیں۔
عزت ووقار پر کچھ حاسد داغ لگانے کی کوشش کرسکتے ہیں۔

برج میزان
سیارہ زہرہ،24 ستمبر تا 23اکتوبر
جاب یا عزت و وقار کے امور ابھی تک کچھ مسائل کا شکار نظر آتے ہیں۔
2تاریخ کو جذباتی نہ ہوں، اور بلاخطر میدان میں نہ کودیں۔
اگرچہ سنیئرز آپ کے ساتھ ہیں لیکن مخالفیں اپنی عادتوں سے باز نہیں آئیں گے۔

برج عقرب
سیارہ پلوٹو،24 اکتوبر تا 22 نومبر
کچھ ہفتے قبل مالی فائدہ ہوتے ہوتے رہ گیا تھا، لگتا ہے دوبارہ ایسے حالات بن رہے ہیں کہ آپ کے تعطل میں پڑے امور پایہ تکمیل تک پہنچ جائیں۔
جذباتی نہ ہوں، آپ کی تخلیقی صلاحیتیں آپ کو نئی راہ دکھاسکتی ہیں۔

برج قوس
سیارہ مشتری،23 نومبر تا 22 دسمبر
آپ کے مالی حالات میں بہتری کی امید ہے، آپ کی شخصیت اور وقار میں ایک رعب پیدا ہوتا نظر آتا ہے۔ پبلک ڈیلنگ سے منسلک بزنس کرنے والوں کے لیے ایک بہترین ہفتہ ہوسکتا ہے۔ کچھ لوگوں کے ساتھ ڈیل کرتے وقت محتاط رہیں۔

برج جدی
سیارہ زحل،23 دسمبر تا 20 جنوری
ایک شان دار ہفتہ ہوسکتا ہے، محبت، پیسہ اور عزت سب کچھ آپ کو میسر نظر آتا ہے۔بس آپ کے بزنس یا کام کی جگہ پر کچھ اچانک معاملہ خراب ہوسکتا ہے۔ کوئی ایمرجنسی جیسی صورت ہوسکتی ہے۔

برج دلو
سیارہ یورنیس،21 جنوری تا 19 فروری
کوئی محبت کا فریب آپ کو گھیر سکتا ہے، محتاط رہیں۔
آپ کی تمام توجہ نقصان سے بچنے پر ہے اور آپ کی سنجیدگی آپ کو درست سمت دکھارہی ہے، مالی اور کیریئر کے لحاظ سے اچھا ہفتہ ہے۔

برج حوت
سیارہ نیپچون،20 فروری تا 20 مارچ
مجموعی طور پر تمام سیارے آپ کے لیے اچھا ہی کہہ رہے ہیں،لیکن اس ہفتے کچھ منصوبہ بندی کرتے ہوئے کچھ مسائل ہوسکتے ہیں۔
کچھ غلط فیصلے ہوسکتے ہیں، اپنی صحت کا خیال رکھیں۔

The post علمِ نجوم کی روشنی میں آپ کا یہ ہفتہ appeared first on ایکسپریس اردو.