علمِ نجوم کی روشنی میں آپ کا یہ ہفتہ

15 جون تا21 جون 2020

برج حمل
سیارہ مریخ،21 مارچ تا20اپریل
بزرگ یا باس کے ساتھ تعلقات میں بہتری کی راہ نکلے گی۔ آپ کے وقار کی بحالی نظر آتی ہے، لیکن آپ کا احساسِ زیاں اس قدر ہے کہ فائدے کو بھی نقصان کی نظر سے دیکھتے ہیں، جمعرات بہتر دن ہے، لیکن اتوار پھر مسائل سر اٹھا سکتے ہیں۔ خصوصاً والدین کی صحت اور قریبی اعزاء کے ساتھ تعلقات اہم ہوں گے، محتاط رہیں۔

برج ثور
سیارہ زہرہ،21اپریل تا 20 مئی
آپ کی صحت ڈسٹرب ہوسکتی ہے، گلے اور سانس کے مسائل ہوسکتے ہیں، خصوصاً ہفتے کے آخری دو دن، سوموار تا جمعہ سنیئرز کا تعاون رہے گا، اور مالی طور پر آپ کی جیب مستحکم رہے گی۔ صدقہ دیں اور محتاط رہیں۔

برج جوزا
سیارہ عطارد،21مئی تا 21 جون
بیرون ملک سے مالی فائدہ ہوسکتا ہے یا پھر کوئی غیرمتوقع جاب یا بزنس کی پرانی رقم آپ کو مل سکتی ہے۔ ممکن ہے کوئی حکومتی فرد معاون ثابت ہو۔
جمعرات کا دن اہم ہوسکتا ہے مالی حوالے سے۔

برج سرطان
سیارہ قمر،22 جون تا 23 جولائی
آپ کے تعلقات کے خانے میں مشتری جائز ناجائز تعلقات کی اطلاع دے رہا ہے۔
ناجائز تعلقات کی خاطر جائز تعلقات کو داؤ پر نہ لگائیں، بدھ اور جمعرات کو معاملات خراب ہوسکتے ہیں، مالی نقصان بھی ہوسکتا ہے اور عزت بھی خراب ہوسکتی ہے، محتاط رہیں۔

برج اسد
سیارہ شمس،24 جولائی تا 23 اگست
بدھ اور جمعرات کسی بڑوں سے نصیحت سن کے مزاج میں برہمی آسکتی ہے، آپ کے کچھ نادرست فیصلے آپ کو پریشان کرسکتے ہیں، جذباتی ہونے سے گریز کریں تو بہتر ہوگا، اتوار کا سورج گرہن آپ کے لیے ٹھیک نہیں ہوگا محتاط رہیں۔

برج سنبلہ
سیارہ عطارد،24 اگست تا 23 ستمبر
یہ ہفتہ بہت اچھا رہے گا، سوموار اور منگل بچوں کی صحت کا خیال رکھیں، بدھ اور جمعرات مالی فائدے مل سکتے ہیں۔ ہفتہ اور اتوار بیرون ملک سے کوئی مالی فائدہ مل سکتا ہے۔ بڑے بہن بھائی یا پرانے دوست کا تعاون اہم کردار ادا کرے گا۔

برج میزان
سیارہ زہرہ،24 ستمبر تا 23اکتوبر
آپ کی جاب کا معاملہ جو کہ کچھ عرصے سے لٹکا ہوا تھا اور کسی ماتحت کی کرم فرمائی سے مسائل کھڑے ہوچکے تھے، آپ کے وہ مسائل ختم ہوتے نظر آتے ہیں۔
آپ کا کوئی پرانا سنیئر درمیان میں آکے آپ کے وقار میں اضافے کا سبب بنے گا۔ ازدواجی حوالے سے کچھ الجھنیں نظر آتی ہیں۔

برج عقرب
سیارہ پلوٹو،24 اکتوبر تا 22 نومبر
ہفتے کی ابتدا اور آخری دو دن مالی حوالے سے کافی معاون اور مددگار ہوسکتے ہیں، بیرون ملک یا اندرونِ ملک لمبے سفر کے اسباب پیدا ہوسکتے ہیں۔
اپنی صحت کا خیال رکھیں آپ بچوں، محبوب اور والد کے لیے جذباتی ہوسکتے ہیں۔

برج قوس
سیارہ مشتری،23 نومبر تا 22 دسمبر
یہ ہفتہ آپ کے ازدواجی تعلقات میں کچھ غلط فہمیاں اور ناچاقیاں ظاہر کررہا ہے۔ مکان کے حوالے سے کچھ مسائل ہوسکتے ہیں۔ کرائے داروں کو مالک مکان پریشان کرسکتے ہیں۔ اتوار مالی فائدہ تو اچانک ہوسکتا ہے لیکن کسی بزرگ کی اچانک صحت خراب ہوسکتی ہے۔

برج جدی
سیارہ زحل،23 دسمبر تا 20 جنوری
آپ کے لیے یہ ہفتہ بچوں اور محبوب شخصیت کے حوالے سے اہم نظر آتا ہے۔
آپ کی آمدن میں اضافے کا امکان ہے۔ آپ کی شخصیت میں زیادہ سنجیدگی اور دوراندیشی ابھرے گی۔ کسی قسم کا معاہد نہ کریں، خصوصاً ہفتہ اور اتوار کے دن۔

برج دلو
سیارہ یورنیس،21 جنوری تا 19 فروری
آپ کے تعلقات میں اضافہ ہوگا، کام میں وسعت پیدا ہوگی،
لیکن ازدواجی اور شراکتی امور میں غلط فہمیاں اور دھوکادہی کا اندیشہ نظر آتا ہے۔ بچوں کے حوالے سے کوئی پریشانی ہوسکتی خصوصاً ان کی صحت کے حوالے سے۔

برج حوت
سیارہ نیپچون،20 فروری تا 20 مارچ
آپ کے مزاج میں حساسیت کی زیادتی کا عنصر ابھرا رہے گا۔
بیرون ملک کسی سے مالی لین دین ہونے کا امکان ہے۔ سوموار، جمعرات اور اتوار اہم دن ہیں۔ مالی فائدہ ہوسکتا ہے۔

The post علمِ نجوم کی روشنی میں آپ کا یہ ہفتہ appeared first on ایکسپریس اردو.