ہلال عید جیسے ہر طرف کرنیں لٹاتا ہے

عیدکی خوشیاں اورعید کے رنگ سب کو بھاتے ہیں۔

سب لوگ مل جل کر عید کی ساعتوں کو خوبصورت بناتے ہیں لیکن شوبز کی چمکتی دمکتی دنیا کے ستارے ان خوشیوں کامزہ دوبالا کرنے کیلئے خاص اہتمام کرتے ہیں۔ ان کے پروگرام اورفلمیں ان تہواروں کویادگاربنانے میں اہم کردارادا کرتے ہیں۔

اس حوالے سے ہمارے ملک کی معروف اداکارہ میرا نے ’’ایکسپریس میگزین‘‘ کیلئے ہونیوالے والے فوٹو شوٹ کے دوران اپنے خیالات کااظہار کرتے ہوئے کہا کہ عید کی آمد سے قبل ہی تیاریوں کیلئے خاص اہتمام کرتی ہوں۔ بچپن سے ہی چوڑیاں، مہندی، ملبوسات، جیولری سمیت دیگراشیا صرف اور صرف عید کیلئے لیتی تھی اور آج بھی ان سب چیزوں کے بغیر عید کا مزہ ادھورا لگتا ہے۔

بننا سنورنا توخواتین کی اولین ترجیح ہوتی ہے اور میں بھی خوب سجتی سنورتی ہوں، عید کے روز میرے احساسات بالکل ایسے ہی ہوتے ہیں جیسے بچپن میں ہمیں ہر جانب ہلال عید چمکتا دمکتا نظر آیا کرتا تھا۔